أصبحت عقب المليون مديون

هذي قصيدة في سوق الاسهم

قلنا نبعد شوي عن القصائد السابقة كلها أحزان وبكاء .. تغيير

الله لا يجـزاك ياســــــــــــــوق بالخـيـر
أنا اشهد انـه راح مالـي خســـــاره

عوّدت اجـر الصوت عقـــب المخاسير
واقول انا مـــالـي ومـال التجـــاره

اصبحـــت عقــب المال مديـون للغيـر
واصبحت عقب الجيب راكب غماره

والـــراس شيّب واشتغـــــل بالتفاكيـر
والفقــر في بيت الغنـا شـــب نـــاره

والراتب اقصـــاد وايجـــار وفواتيــــر
لاعندي ارض ولا بملــكي عمـــاره

رحنا ضحايــا في يــديـن الهـــواميـــر
الحــــظ تـاره والــهواميــــر تـــــاره

في سوقنا الغاشم تخــيب المشاويــــر
سوق(ن) مع الهزه تناثـر غبــــاره

الشعــب صاروا في صفوفـه طـــوابير
لكنـــه اعلــــن للجميـــع إنهـيــــاره

هـــــذي زراعيــــه وهذيــــك تعميــــر
طاحت مثل ما طاح بــرج التجــــاره

قلنا يبي له وقـــت ويصيـــــر تغييــــر
يرتــــد وضعــــه ويتعـــــدل مســـاره

لكن تعلقنا ... ويالله عســــى خيــــــر
مادام راسـي حـــي مابـــه خســـاره

مادام راسـي حـــي مابـــه خســـاره .. وعسى يتعدل السوق وتزين الأمور

مششششششششششششششششششششششششششششششششكور اخي الكاتب على هذه القصيدة الجميلة وتحياتي لاسرة منتدى دمار الحب وتحياتي لابو وديع وتحياتي للحميع وشكرا
قيــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــس